تونس قيّس سعيّد ⭐ تفرح وتعيّد: الشاعرة بسمة درويش في تدوينة لها على فايسبوك

تونس قيّس سعيّد ⭐ تفرح وتعيّد: الشاعرة بسمة درويش في تدوينة لها على فايسبوك

تونس قيّس سعيّد ⭐ تفرح وتعيّد⭐

أفرح يا تونس وعَيٍّدْ
سجِّل يا تاريخ وقيِّد
أولادك الأحرار حماووك
وإنتخبولك قيّس سعيّدْ

إنتفضوا عالاستبداد
عالجور وعالإستعباد
إختاروا ينهيو الظلم
وللموقف كانوا أسيادْ

أفرح يا تونس وعيِّدْ
سجِّل يا تاريخ وقيِّدْ
أولادك الأحرار احماووك
وإنتخبولك قيس سعيِّدْ

أفرح يا تونس واتهنى
ربي بعثلك ما تتمنى
شعبك بعد الصمت نطق
فدالك ثارك بكلمة حقٌ
كلمة ما فيهاش رجوع
مثقّف لو حتى نجوع

أفرح يا تونس وعيّد
سجِّل يا تاريخ وقيّد
أولادك الأحرار حماووك
وإنتخبولك قيس سعيّد

قالوا ما عندوا ما يذوق
في السّياسة وفي هالسّوق
مايهمّش أحنا راضين
براجل مبدأ وقوانين
لا سرق ولا ذل؟ الناس
وتاريخه يرفع الرّاس

أفرح يا تونس وعيِّد
سجل يا تاريخ وقيِّد
أولادك الأحرار حماووك
وإنتخبولك قيّس سعيّد

أفرح يا بلاد الثوار
شعبك مكافح مغوار
عدّا المًرّ وراء الأمرار
وبلعها بغصّة المهدّدْ
في خبزه وفي وقت أولاده
يأمل في مستقبل خير
وبالصّبر تحلّى وتجلّدْ

وكيف تيقّن بلِّي الثّعلب
في غزالة جميلة يتصيِّد
نَشِّنْ عالثّعلب بسلاحه
أرداه على الأرض مْمدِّدْ

و رفض إبتزاز السّاسة
وحفض الأمانة وصان
تونس غزالة الأوطان
ياقوتة تلمع لمعان
نفديها وأنا فرحان
ويحفظها ربي الرحمان

أفرح يا تونس وعيِّدْ
سجِّل يا تاريخ وقيِّد
أولادك الأحرار حماووك
وإنتخبولك قيّس سعيّدْ

✍بسمة درويش🇹🇳

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *