هيثم المكي لسيف الدين المخلوف: “عصفورا كنت و عصفورا ستبقى يا برينڨا”

هيثم المكي لسيف الدين المخلوف: “عصفورا كنت و عصفورا ستبقى يا برينڨا”

عاد الكرونيكور في اذاعة موزاييك اف ام هيثم المكي لمهاجمة رئيس كتلة إئتلاف الكرامة في البرلمان سيف مخلوف على خلفية موقفه من التحركات الاجتماعية . و اعتبر المكي في تدوينة نشرها على حسابه بالفايسبوك مساء اليوم السبت ان موقف مخلوف نابع من كونه حليفا للحكومة و داعميها واصفا مخلوف ب “العصفور” و هذا نص التدوينة:
الحاجة القوية بالرسمي في مداخلة سيف الدين مخلوف ماهيش موضوع دواء الكورونا، هاذيكة مفهومة : كان تتذكروا، شركة “طه فارما” كي حبت تعمل إشهار للجهلة بالكلوروكين، عصفرت فيصل التبيني، توة فمة شركة أخرى حبت تعمل نفس الشيء، ياخي عصفرت كتلة كاملة، كتلة عندها بزايد “رجلة” و “كرامة”. الأقوى من هذا هو رؤية “سيف الثورة المسلول” للتحركات الإجتماعية و القطاعية الصايرة توة : هاذي حسب كلامو “ماكينات تحركت، ماكينات لا تريد الخير لتونس، تحرك فيهم جهات أجنبية، و الإتحاد و الصحافيين و القضاة الكلهم خدم و تياسة عندهم.” ايه، و العمل ؟ “راهو كان كل واحد يعمل شوشرة نتفاوضو معاه و نبداو نسايسو فيه راهم يغلطوا في رواحهم، الدولة لازم تكون حازمة”. كيما سمعتوا، جهات أجنبية، لا تريد الخير لتونس، و لازمهم بكل حزم. سبحان الذي جعل زعيم الثوار و حامي حمى الثورة يتكلم بالضبط كيما بن علي. أما هاذي زادة مفهومة، الحكومة مسنودة بحزام سياسي، النهضة و قلب تونس، و هاذومة عادة معصفرين كتلة الرجلة و الكرامة من زمان. عصفورا كنت و عصفورا ستبقى يا برينڨا…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *