العاصمة: فتاة تروي تعرضها للتحرش من قبل سائق تاكسي

العاصمة: فتاة تروي تعرضها للتحرش من قبل سائق تاكسي

اخر الحوادث روتها فتاة تبلغ من العمر 20سنة حاول سائق تاكسي اغتصابها وقام بحركات دنيئة امامه.

الحادثة تداولتها صفحات التواصل الاجتماعي وروتها قريبة الضحية و ننقلها كما جاءت حيث قالت:

حبيت نحكي على حادثة حقيقية صارت عندها نهارين لبنت عمتي عمرها 20 سنة. تخدم في centre d’appel وتشد الستة.طلبت تاكسي bolt من قدام دارهم الخمسة ونص. يعني مازال مش ليل حتى.وملي طلعت قريبتي وهو يتحرش بيها لفظيا بأبشع الألفاظ. ويتلفت بكله يدورلها وووصل يرمي في يده على ساقيها. وماشي ويتمادى.السيد وصل حل سرواله carrément، هي تماسكت وما انهارتش وتشجعت وبعثت رسالة لامها. ياخي طلبتها بالوقت وحطت المكالمة haut-parleur وقالتلها امها بالحرف، خوك وراك بالكرهبة وقريب يوصللكم. وقتها التاكسيييت خاف وسكر سرواله خاطر فهم انه رقم سيارته مسجلة ديجا ونقدروا نجيبوه.علاش حبيت نحكيلكم الحادثة قريبتي لانها لتو مصدومة ونفسيتها تاعبة ومش مصدقة الي صار وقعدت تتخيل في سينريوهات اغتصاب كارثية، لانه الي عملو اصلا صدمها بشكل كبير وخبات خوفها منه. والنصيحة ليكم للبنات وللنساء الكل انكم قبل ماتحطوا رجلكم في اي تاكسي سجلوا رقمها bolt ولا اي نوع اخر.والي مش مصدق الي بناتنا في خطر في البلاد هذه باش يفيق على كارثة تصير لبنية في عايلته.”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *